سه‌رۆکایه‌تی شاره‌وانی سلێمانی ئاماده‌کاری بۆ ڕۆژی ژینگه‌ی هه‌رێم ده‌کات

بەروار : 12/04/2017 ژمارەی سەردان : 237
له‌گه‌ڵ نزیک بوونه‌وه‌ له‌ ڕۆژی ژینگه‌ی هه‌رێم وه‌ بۆ پیرۆز ڕاگرتنی ئه‌و یاده‌ به‌شی ڕاگه‌یاندن و به‌شی خزمه‌تگوزاری به‌ هه‌ماهه‌نگی به‌شه‌کانی تری سه‌رۆکایه‌تی شاره‌وانی سلێمانی ئاماده‌کاری بۆ چه‌ند کارو چالاکی ده‌کات، یه‌کێک له‌و چالاکیانه‌ش کردنه‌وه‌ی پێشانگایه‌کی فۆتۆگرافیه.
زه‌رده‌شت ره‌فیق (به‌ڕێوبه‌ری به‌شی ڕاگه‌یاندن) له‌ لێدوانێکیدا بۆ سایتی شاره‌وانی سلێمانی ئاماژه‌ی به‌وه‌دا که‌ ساڵانه‌ ئه‌م یاده‌ له‌لایه‌ن وه‌زیری شاره‌وانی و به‌ڕێوبه‌رایه‌تی ژینگه‌ ده‌کرێته‌وه‌ له‌ هه‌ر چوار پارێزگاکه‌ی هه‌رێمی کوردستاندا.

ئاشکرایشیکرد وه‌ک پارێزگای سلێمانی له‌و ڕۆژه‌دا سه‌رۆکایه‌تی شاره‌وانی سلێمانی وه‌ک نه‌ریتی ساڵانه‌ی هه‌ڵمه‌تێکی پاک و خاوێنی فراوان ئه‌نجام ده‌دات له‌ هه‌مان کاتیشدا به‌شی ڕاگه‌یاندنی سه‌رۆکایه‌تی شاره‌وانی هه‌ڵده‌ستێت به‌ کردنه‌وه‌ی پێشانگایه‌کی فۆتۆگرافی تایبه‌ت به‌ کاروچالاکییه‌کانی سه‌رۆکایه‌تی شاره‌وانی سلێمانی.

هاوکات به‌شی خزمه‌تگوزاری سه‌رۆکایه‌تی شاره‌وانی سلیمانی به‌ده‌ر له‌ به‌جێ گه‌یاندنی ئه‌رکی ڕۆژانه‌یان بۆ ئه‌م یاده‌ هه‌ڵمه‌تێکی فراوانی ده‌ستپێکردوه‌ بۆ پاکردنه‌وه‌ی زۆرێک له‌ گه‌ڕه‌که‌کانی سنوری شاره‌وانی سلێمانی.

لێپرسراوی به‌شی خزمه‌تگوزاری (ڕزگار ئه‌حمه‌د) بۆ سایتی شاره‌وانی سلێمانی ئاماژه‌ی به‌وه‌دا که‌ بۆ ڕێزگرتن له‌ ڕۆژی ژینگه‌ی کوردستان که‌ ده‌کاته‌ ڕۆژی یه‌کشه‌ممه‌ ڕێکه‌وتی (١٦/٤/٢٠١٧) له‌ژێر ڕۆشنایی (هه‌موومان ژینگه‌ پارێزین) پێشوه‌خت له‌ ڕێکه‌وتی (٨/٤/٢٠١٧) به‌شه‌که‌یان هه‌ڵمه‌تی پاکردنه‌وه‌ی له‌ زۆرێک گه‌ڕه‌ک و شوێنه‌ گه‌شتیاریه‌کانی سنوری شاری سلێمانی ئه‌نجامداوه.

سه‌رۆکایه‌تی شاره‌وانی سلێمانی له‌گه‌ڵ نزیک بونه‌وه‌ی هه‌ر بۆنه‌یه‌ک پێشوه‌خته‌ ئاماده‌کاریه‌کان ئه‌نجام ده‌دات له‌ پێناو ڕه‌خساندنی که‌شێکی گونجاو بۆ سه‌رجه‌م هاوڵاتیان، به‌رده‌وام له‌هه‌وڵی ئه‌وه‌شدایه‌ زۆرترین خزمه‌تگوزاری پێشکه‌ش به‌ سه‌رجه‌م هاوڵاتیانی سنوری شاری سلێمانی بکات.


 
Scroll