به‌هۆی جێبه‌جێکردنی پرۆژه‌ی پردی کۆبانێ (١٢٨) گۆڕ که‌ ناونیشانیان له‌سه‌ره‌ و (١٣٠) گۆڕ که‌ بێ ناونیشانن ده‌گوازرێنه‌وه‌

بەروار : 05/06/2017 ژمارەی سەردان : 328

سه‌رۆکایه‌تی شاره‌وانی سلێمانی ئاگاداریه‌ک بۆ ئه‌و هاوڵاتیانه‌ بڵاو ده‌کاته‌وه‌ که‌ که‌س و ئازیزه‌کانیان له‌ گۆڕستانی (شێخ ئه‌حمه‌دی هندی) نێژراون، وه‌ گۆڕه‌کانیان ده‌که‌وێته‌ به‌شی سه‌ره‌وه‌ی گۆڕستانه‌که‌ ڕوه‌و شاخی گۆیژه‌ به‌رامبه‌ر شوقه‌کانی (ڕۆژ سیتی).
له‌ ئاگاداریه‌که‌دا ئاماژه‌ به‌وه‌ کراوه‌ که‌ به‌هۆی جێبه‌جێکردنی  پڕۆژه‌ی پردی کۆبانێ (١٢٨) گۆڕ که‌ ناونیشانیان له‌سه‌ره‌و (١٣٠) گۆڕ که‌ بێ ناونیشانن به‌ر لابردن ده‌که‌وێت، وه‌ داوایان کردوه‌ هه‌ر که‌سێک که‌س و کاری له‌و شوێنه‌دا ناشتوه‌ با له‌ ماوه‌ی (٣٠) ڕۆژدا سه‌ردانی سه‌رۆکایه‌تی شاره‌وانی سلێمانی بکات به‌ مه‌به‌ستی گواستنه‌وه‌ی گۆڕه‌کانیان و سه‌رجه‌م تێچووی گواستنه‌وه‌ی گۆڕه‌کانیش ده‌که‌وێته‌ ئه‌ستۆی سه‌رۆکایه‌تی شاره‌وانی سلێمانی.